- Yaqub 1:1-4 - Allahın və Rəbb İsa Məsihin qulu Yaqubdan dağılmış on iki qəbiləyə salam! Qardaşlarım, müxtəlif sınaqlara düşəndə bunu yalnız sevinc hesab edin. Bilirsiniz ki, imanınızın sınağı dözümlülük hasil edir. Dözümlülük isə işini kamil şəkildə görsün ki, heç bir cəhətdən nöqsansız, kamil və bütöv olasınız.
- Romalılara 8:28 - Biz də bilirik ki, Allahı sevənlər üçün, yəni Onun məqsədinə görə çağırılanlar üçün Allah hər şeyi xeyir üçün işlədir.
Boy atmağımız nadir hallarda asan olur, amma biz Allahın çətinliklər vasitəsilə hasil edəcəyi yaxşılığa sevinə bilərik. Heç daha dözümlü olmaq istəmisənmi? Çoxumuz “bəli” deyərik. Amma sakit və mülayim ürəyi necə əldə edə bilərik? Bu xüsusiyyət necə inkişaf edir? Dözümü bir əzələ kimi düşün. O, yalnız istifadə olunduqca güclənir. Buna görə imanlılar çətinlikləri dözümü inkişaf etdirmək üçün fürsət kimi görməlidir. İnsan olaraq təbii reaksiyamız isə fərqlidir: çətinlik gələndə çaşırıq, şikayət edirik, müqavimət göstəririk, bəzən də günahkar axtarırıq. Amma bunun əvəzinə belə deməliyik: “Çox sağol, Ata — indi, dözümdə böyümək vaxtıdır!” Yaqub bizə deyir ki, sınaqları sevinc hesab edin. Amma etiraf edək ki— bu asan deyil. İnsan baxımından çətinlik üçün Allaha şükür etmək qəribə görünür. Lakin Allahın vədinə sarıldıqda bu öz mənasını tapır: O, hər şeyi xeyrimiz üçün işlədər. Biz boş yerə gözləmirik. Allahın gətirəcəyi həll üçün, dəyişdirəcəyi həyatlara görə və bizdə yetişdirəcəyi ruhani bəhrəyə görə Ona əvvəlcədən şükür edə bilərik. Çətinliyi inkişaf vasitəsi kimi qəbul etmək - radikal düşüncədir. Amma imanlıların sevinmək üçün səbəbi var. Sınaqlar dözümümüzü (səbrimizi) artırır ki, biz Allahın vədlərində möhkəm dayanaq və Onun kamil vaxtını səbirlə gözləyək.
Düşüncə
Hansı çətinliyinizdə hazırda Allahın dözüm yetişdirdiyini görürsünüz?
