Daxilimizdəki Güc

Vacib bir həqiqət var: öz gücümüzlə biz vaxt özümüzü dəyişib yaxşı insan ola bilmərik. İradəmiz və ya xoş niyyətimiz günahlı təbiətimizi dəyişdirməyə kifayət etmir. Amma xoş xəbər budur ki, Allah heç vaxt bizim cəhd etməyimizi istəməyib. O bilirdi ki, biz özümüzü dəyişə bilmərik. Buna görə də Müqəddəs Ruhu imanlıların daxilində yaşamaq üçün göndərdi. Müqəddəs Ruh Öz qüdrəti ilə həyatımızda işlədikcə, təbii imkanlarımızı aşaraq Allahın iradəsinə uyğun yaşaya bilirik. Bu, Allahın hər bir imanlı üçün nəzərdə tutduğu həyatdır. Müqəddəs Ruhun xidmətinin bir çox tərəfi var, lakin bunlardan dördü xüsusilə vacibdir: O, zehnimizi işıqlandırır ki, Allahın Kəlamındakı həqiqəti anlaya bilək; O, bədənimizə və həyatımıza Rəbbə xidmət etmək üçün güc verir; O, iradəmizi möhkəmləndirir ki, Allahın istəyinə itaət edə bilək; O, həyatımızda Ruhun bəhrəsini yetişdirir. Xristian həyatını qələbə ilə yaşamaq yalnız daxilimizdə yaşayan Müqəddəs Ruhun gücü ilə mümkündür. Allah bizə Öz Ruhunu ona görə verib ki, Öz gücümüzə deyil, Onun qüdrətinə arxalanaraq Onun iradəsinə uyğun yaşayaq.