- Efeslilərə 1:3–6 - Rəbbimiz İsaya Məsihin Allahı və Atası mübarək olsun! O, bizi Məsihdə səmavi aləmlərdə hər ruhani nemətlə mübarək etdi. O, dünyanı yaratmazdan əvvəl bizi Məsihdə seçdi ki, Onun önündə müqəddəs və qüsursuz olaq. O, Öz iradəsinin xoş məramına uyğun olaraq, bizi İsa Məsih vasitəsilə Özünə oğul etməyi əvvəlcədən təyin etdi. Bu, Öz sevimli Oğlunda bizə lütf etdiyi mərhəmətinin şərəfli izzəti üçündür.
- Romalılara 8:1 - Odur ki, İsa Məsihdə olanlara indi heç bir məhkumluq yoxdur.
Həqiqət sizi azad edəcək
Efeslilərə 1:3–6
İsaya aid olmaq nə deməkdir? Bu sual imanlı olaraq kimliyimizin mahiyyətinə toxunur. Cavabı dərk etmək isə bizə dərin sevinc və sülh gətirir.
Allah bizi Öz ailəsinin bir hissəsi etmək üçün yol açdı. Hələ dünyanın təməli qoyulmazdan əvvəl O, bizim satın alınmağımızı planlaşdırmışdı ki, Ondan uzaq olan bizlər Məsih vasitəsilə Ona yaxınlaşa bilək. Bu həqiqət bizim Allahın övladları kimi kimliyimizi müəyyən edir. Qorxu və narahatlıqlar bizi bürüməyə çalışanda bu həqiqət bizi möhkəm saxlayan qaya kimi olur.
Buna baxmayaraq, bir çox imanlı günahkar təbiəti haqqında düşündükdə narahat olmağa başlayır. Allahın günaha qarşı olduğunu bildikləri üçün qorxu və utanc hiss edirlər. Buna görə Allahın Kəlamının bizə verdiyi həqiqəti xatırlamalıyıq: «Məsih İsada olanlara indi heç bir məhkumluq yoxdur» (Rom. 8:1).
Unutmayın ki, Səmavi Ata sizi Öz övladı kimi qəbul edib. Bu o deməkdir ki, siz Allah üçün çox dəyərlisiniz. Əslində, siz Ona o qədər əzizsiniz ki, O, yeganə Oğlunu günahlı dünyaya göndərdi ki, Məsih çarmıxda ölsün və siz Allaha yaxın ola biləsiniz.
Bu, saf və tamamilə layiq olmadığımız lütfdür — Allahın bizə tökdüyü məhəbbətdir.
Düşüncə
Bu həqiqəti - Allahın övladı olduğunuzu - dərk etmək qorxularınızı və narahatlıqlarınızı necə dəyişdirir?
