Ümid: Qəlbin Lövbəri

İsa bizim etibarlı və sarsılmaz ümidimizdir — biz istənilən sınaqda Ondan möhkəm tuta bilərik.

Lövbər qədim Aralıq dənizi ətrafında məşhur bir obraz idi. O dövrün iqtisadiyyatı gəmiçilikdən asılı olduğundan, lövbər təhlükəsizlik və sabitliyi simvolizə edirdi. İbranilərə məktubun müəllifi bu sözü imanlılara Allahın istənilən fırtınada möhkəm dayanan bir ümid verdiyini xatırlatmaq üçün istifadə etmişdir (6:19).

Ümid -sağlam bir münasibətdir. Yaxşılığı gözləmək ağıla və ürəyə rahatlıq gətirir. Bunun əksinə olaraq, ümidsizlik ağrılıdır. Qarşılaşdığınız şeyin yaxşılaşa bilməyəcəyini düşünmək çox ağır və məyusedicidir. Bütün ümidini itirmiş insan üçün həyat sonsuz, qaranlıq bir tunel kimi hiss olunur.

Süleymanın məsəllərində bu əzabverici hissin nəticəsini təsvir edən bir ayə var: "Gecikən ümid ürəyi xəstələndirir". Lakin əbədi və hər şeyə qadir olan Allahımızla heç bir vəziyyət ümidsiz deyil. Onda biz həmin məsəlin ikinci yarısının yerinə yetəcəyini görürük: "Arzuya çatmaq həyat ağacıdır."

Imanlıların qəlblərini möhkəmləndirən bir ümidi var. İsa ilə münasibətimiz bizi bütün yükümüzü Rəbbin hüzuruna gətirə biləcəyimiz səmavi taxta yaxınlaşdırır. Üstəlik, qarşımıza çıxan hər bir sınaqda Ona bağlı qala bilərik. O, qaranlıq tuneli işıqlandırır və çətin vəziyyətlərdə bizi incə yolla aparır.