Müqəddəs Ruh, Bələdçimizdir

Müqəddəs Ruhun yönəlrməsi həmişə Allahın Kəlamı ilə uyğun olur.

Yəhya 16:12-15

Allahın bütün övladları bir səfərdədir. Biz həyat yolunda irəliləyərək əbədi evimizə doğru gedirik və bu yolda çoxlu seçimlərlə qarşılaşırıq. Yolayrıcələri bizi düşündürə, çaşdıra və bəzən də məyus edə bilər. Belə anlarda hansı yolu seçməli olduğumuzu necə bilək?

İsa bizə daxili və həmişə mövcud olan bir Bələdçi verəcəyinə söz verdi (Yəhya 14:16). Xilas anından başlayaraq, Xilaskara etibar edən hər kəsdə Müqəddəs Ruh məskunlaşır və imanlılara hər həqiqətə yol göstərəcəyini vəd edir (16:13). Qorxmağa səbəbimiz yoxdur, çünki O bizi doğru yola yönəldəcək. Lakin Müqəddəs Ruhun rəhbərliyi həmişə doğru olsa da, bəzən bizim onu qəbul etməyimiz aydın olmaya bilər. Əgər belə hallarda həyatımızın hansısa sahəsində günaha göz yummağa meylliyiksə, başqa bir sahədə Onun yönləndirməsini gözləməməliyik.

Günah Rəbbin aydın istiqamətini dərk etməyimizə təsir edir, necə ki, maqnit kompasın iynəsinə təsir göstərir. Bu, bizi yoldan azdırır, Allahın planlaşdırdığı aydın yoldan uzaqlaşdırır, necə ki, maqnit sahəsi iynəni əsl şimaldan uzaqlaşdırır.

Qərar vermək çətin olduqda özünə bu sualları ver: Bu seçimdə Məsih izzətləndiriləcəkmi? və ya Bu, məni Rəbbə daha da yaxınlaşdıracaqmı? Əgər cavab “yox”dursa, o yolu seçmə; çünki Müqəddəs Ruh səni ora yönəltmir. Onun rəhbərliyi həmişə Müqəddəs Yazılarla uyğun olur və Allahın kamil planını həyata keçirir.