Ruhani Alovumuzu Yenidən Yandıraq

Ruhani vəziyyətimiz önəmlidir — həm bizim üçün, həm də təsir dairəmizdə olan hər kəs üçün.

Rəbb bizi Ona qarşı ehtirasla yaşamaq üçün yaratdı. Bu, təkcə Yaradanla münasibətdə yaşayacağımız sevinc üçün deyil, eyni zamanda ətrafımızdakı insanlar üçün də vacibdir. Necə ki, ocaqdakı alovun istiliyi və gözəlliyi insanları özünə çəkir, Allah da bizim ruhani ehtirasımızdan istifadə edərək başqalarını Özünə cəlb edir (Matta 5:16).

Buna görə də diqqətli olmalıyıq ki, ruhani alovumuz sönməsin. Şükürlər olsun ki, içimizdə yaşayan Müqəddəs Ruh yanlış istiqamətə getməyə başlayan imanlıları xəbərdar edir. Əgər bunun baş verdiyini hiss edirsənsə, Onunla yenidən uyğunlaşmaq üçün bir neçə addım ata bilərsən.

Əvvəlcə, ruhani vəziyyətini qiymətləndir — Allahdan soruş ki, sənin alovun közə çevrilibmi. İkincisi, səmavi Atanla aranda yaranmasına icazə verdiyin hər cür məsafəni etiraf et və tövbə et. Üçüncüsü, diqqətini yenidən İsaya yönəlt və Onun ardıcıllarına necə yaşamağı öyrətdiyi üzərində düşün. Hər gün Müqəddəs Yazıda keyfiyyətli vaxt keçir, Rəbbdən Kəlamı vasitəsilə səninlə danışmasını istə. Allahın rəhbərliyi və hikməti üçün ürəkdən fəryad et. Dördüncüsü, səni Atayla yenidən yaxın və canlı münasibətə qaytarmaq üçün Müqəddəs Ruha güvən. Və nəhayət, Allaha sitayiş edərək və başqalarını sevərək Ona xidmət et.

Əgər ruhani ehtirasın azalıbsa, Rəbbdən onu yeniləməsi üçün xahiş et. Onunla yaxın yaşamaq göstərilən hər cəhdə tam dəyər.