Allahın güc verən hüzuru

Allah hər birimizlə yaxın münasibət istəyir. Buna görə də O, insanı Öz hüzuruna həsrət duymaqla yaradıb. Bu boşluğu yalnız Allah doldura bilər, amma insanlar çox vaxt bu ehtiyacı müxtəlif münasibətlər və fəaliyyətlərlə doldurmağa çalışırlar. Lakin Rəbdən başqa bir şeylə bu boşluğu doldurmağa çalışmaq ən yaxşı halda qısa müddətli bir həll olur və sonda insanı qane etmir.

Müqəddəs Kitab bizi dünyanın təqdim etdiyi şeylərdə məmnunluq axtarmaqdan əl çəkməyə və diqqətimizi İsa Məsihə yönəltməyə çağırır (Zəbur 62:1). Amma çox insanlar Onun hüzurunun yerinə başqa şeylər seçirlər. Dostlar, hobbilər və hətta çox məşğul həyat tərzi o vaxt yaxşı ola bilər ki— əgər biz Allahın qarşısında sakitlikdə keçirdiyimiz vaxtı birinci yerə qoyuruqsa. Lakin çox vaxt bir fəaliyyətin verdiyi sevinc bitəndə, ürəyimizin əslində nəyə ehtiyacı olduğunu soruşmaq əvəzinə yeni bir məşğuliyyət və ya yeni bir münasibət axtarmağa başlayırıq.

Rəbdən başqa heç nə Allahın həyatımızda Özünə ayırdığı yeri doldura bilməz. Atamızın güc verən hüzuru yeganə həqiqi cavabdır. Müqəddəs Ruh artıq imanlıların daxilində yaşayır. Bizim etməli olduğumuz isə Allahın qarşısında sakitləşməkdir — və O, Özünü bizə aşkar edəcək.