Xidmət – Etirafdır

Məsihə iman edən hər bir insan xidmətə çağırılıb. Bəzən belə bir düşüncə var ki, imanlılar iki qrupa bölünür: “xidmətçilər” (tam-zamanlı xidmətdə olanlar) və “sadə imanlılar”. Amma Müqəddəs Kitab belə bir bölgü tanımır. Əksinə, peşəsi çadır tikmək olan Pavel xatırladır ki, biz xidmət etmək üçün xilas olunmuşuq. Allahın bizi xilas etməsinə görə minnətdarlıq hissi öz özlüyündə belə, Ona xidmət etmək üçün kifayət edən səbəbdir. Biz xilas olunduq, əbədi həyat aldıq və Müqəddəs Ruhun bizdə yaşaması ilə bəxş olunduq. Xidmətimiz — Atanın Öz Oğlunu göndərməklə bizim üçün etdiklərini etiraf etməyimizdir. Amma bir təhlükə də var. Bir çox insan — hətta imanlılar belə — əslində böyük “mən”ə xidmət edir. Daim bu suallarla yaşayırlar: Məni nə razı salır? Mənim üçün nə xoşdur? Necə daha rahat və firavan ola bilərəm? Acı, amma sadə bir həqiqət var: Əgər “mən” ağamızdırsa, biz “mənpərəstlik” edirik. Allahdan üstün tutulan hər şey — hətta eqoist arzular belə — bütə çevrilir. Xidmət sadəcə yaxşı bir fikir deyil. Allah bizi xidmətə çağırır ki, həyatımızı əbədi dəyəri olan bir məqsədə sərf edək: başqalarının xilasına və onların Məsihdə şagird kimi böyüməsinə — Onun izzəti üçün. Vəzifəmiz kiçik, imkanlarımız məhdud görünə bilər. Amma həqiqət budur ki, hamımız Məsihin qullarıyıq və Allahın Padşahlığında hər birimizin rolu var.