Qorxu ilə üzləşmək

Qorxu həyatımıza bəzən hiss etmədən daxil olur. O qədər səssiz və gizli şəkildə yaxınlaşa bilər ki, qərarlarımızı, sağlamlığımızı və ruh halımızı necə təsirləndirdiyini belə fərq etmərik.

Əvvəlcə qorxu kiçik və əhəmiyyətsiz görünə bilər. Amma zamanla həyatımızın müxtəlif sahələrinə müdaxilə etməyə başlayır. Fiziki olaraq gərginlik yaradır, bizi rahatlıqdan və həyatın sevincindən uzaqlaşdırır. Narahatlıq düşüncəmizi qarışdırır, aydın düşünməyimizə və yeni imkanları görməyimizə mane olur.

Beləki nəzarətsiz qorxunun yaratdığı daxili iflic ruhani həyatımız üçün daha təhlükəlidir. Əgər qorxunu Allaha təslim etməsək, o, ürəyimizdə hökm etməyə başlayır və münasibətimizi ümumi bir narahatlıq hissi ilə rəngləyir. Bu isə qərarsızlığa, səhv seçim etmək qorxusuna gətirib çıxarır. Nəticədə özümüzü tələyə düşmüş kimi hiss edirik və bizi narahat edə biləcək hər şeydən qaçmağa çalışırıq. Beləcə ruhani inkişafımız dayanır, xidmətimizdə və ailə həyatımızda da maneələr yaranır.

Hamımız zaman-zaman qorxu yaşayırıq — bu, insan olmağın bir hissəsidir. Amma əgər narahatlıq bizi iflic edərsə, biz Allaha tam etibar edə və Onun ardınca ürəkdən gedə bilmərik (Zəbur 27:1).

Bu gün Rəbdən xahiş et ki, səni geri saxlayan narahatlıqları sənə göstərsin və onları Onun əlinə təhvil vermək üçün sənə güc versin. Qoy Onun hüzuru qorxudan daha güclü olsun.